НОВОЗЫБКОВСКИЙ РАЙОН
Археографическая комиссия. Акты истории Западной России. 1340-1506 года
1498 января 22. Жалованная грамота Литовского великого князя Александра Черниговскому наместнику князю Ивану Глинскому, на отчины в Стародубском уезде.
- Александр, Божьею милостью великий князь Литовский, чиним знаменито сим нашим листом, хто на него посмотрит, або чтучы вслышить, кому будет потреба того ведати. Бил нам челом князь Иван Борисович Глинский и клал перед нами лист отца нашего, короля его милости, штож король его милость дал ему чотыри человеки, в Стародубском повете, на имя Внучковичов, двух братов, а Холеевича, а Кондратовича, которые ж люди первый того держал Васко Брык; и просил нас, абыхмо ему тые люди нашим листом потвердили.
- И но мы з ласки нашое, для его службы, тые чотыри человеки вышей писаные, и з их землями пашными и бортными, и з сеножатми, и з реками и з бобровыми гоны, и со всим што здавна к тым их землям прислухало и со всими их входы, князю Ивану Борисовичу, и его княгини и их детем, потвержаем вечно сим нашим листом: волен он тые люди и з их землями продати, и отдати, и заменити, и к своему лепшому обернути. А на твердость того, и печать нашу казали есмо привесити к сему нашому листу. Писан в Городне, в лето 7006, месяца Генваря в 22 день, индикта 1.
В заглавии грамоты отмечено: Князю Ивану Глинскому, на люди в Стародубском повете.
Грамоты из Литовской метрики, хранящейся в Санкт-Петербурге при Правительствующем Сенате.
