КАРАЧЕВСКИЙ РАЙОН
АРХЕОГРАФИЧЕСКАЯ КОМИССИЯ. АКТЫ ИСТОРИИ ЗАПАДНОЙ РОССИИ. 1340-1506 ГОДА
1496 июля 1 и 6. Две жалованные грамоты Литовского великого князя Александра Можайскому князю Семену Ивановичу, на владение Черниговом, Стародубом, Гомьем и Карачевом.
1. — Сам Александр, Божьею милостью великий князь Литовский. Бил нам челом князь Семен Иванович Можайский и просил нас, абыхмо его пожаловали каким именьем; и мы, з ласки нашое, пожаловали его и дали есмо ему город наш Чернигов, со всим што к нему слушает, нижели выняли есмо на нас бояр наших: Андрея Павловича, а братаничов его Халецкого а Миколского, а ловчого нашого Левка Векневича, а дворянина нашого Андрея Дрожчича, а Котовичов, а Сулдешова, а подключого Виленьского Богданца, тые нам мают служити с тых именей своих, што в Черниговском повете мают; а иные бояре мают ему служити с своих именей, а он их не мает рушити в их именьях.
А тых, што дали были есмо князю Ивану Борисовичу Глинскому, даньники и люди, што князь Александро Чорторыйский садил, и тых пану маршалку Литавору дали есмо, и пустовщину там в Черниговском повете, тые даньники и люди и тую пустовщину емуж есмо дали. А дали есмо ему Чернигов, с слугами путными, и с людьми данными и тяглыми, и со всими платы и доходы, и з землями и з водами, што издавна к Чернигову слушает, вечно, ему и его жоне и их детем. Теж бил нам челом, што отец наш, король его милость, подавал отцу его князю Ивану городы Стародуб а Гомей у вотчину, и лист отца нашого перед нами вказывал и просял нас, абыхмо ему тые городы Стародуб а Гомей потвердили нашим листом и мы ему тые городы Стародуб а Гомен потвержаем нашим листом, теж вечно, ему и его детем, подле листу отца нашого. А на твердость того, и печать нашу казали есмо приложит к сему нашому листу.
Писав у Вилни, в лето 7004, месяца июля в 1 день, индикта 14.
— При том были: бискуп Виленский князь Войтех; воевода Виленский пан Миколай Радивилович, канцлер; пан Виленский, наместник Городенский князь Александр Юрьевич; пан Троцкий, наместник Полоцкий пан Ян Юрьевич; староста Жомойтский пан Станислав Янович; наместник Новгородский пан Юрьи Пац и иные панове и маршалки, рада.
2. — Александр, Божьею милостью великий князь Литовский, дал князю Семену Можайскому Карачов, до воли.
У Вилни, июля 6 дня, индикта.
Обе грамоты из Литовской метрики, хранящейся в Санкт-Петербурге при Правительствующем Сенате.
1499 Марта 26. Жалованная подтвердительная грамота Литовского великого князя Александра Можайскому князю Семену Ивановичу, на отчину, Стародуб и Гомель, замок Чернигов и волости Карачев и Хотимль.
Сам Александр, Божьею милостью великий князь Литовский, чиним знаменито сим нашим листом, хто на него посмотрит, або чтучи его услышит, кому будет потреба того ведати. Бил нам челом князь Семен Иванович Можайский и просил нас, абыхмо ему потвердили нашим листом выслугу отца его князя Иванову, замки, которые ж выслужил на отцы нашом короли его милости, на имя Стародуб и Гомей, и теж што он на нас выслужил замок Чернигов, и волости на имя Карачов а Хотимль. Ино мы впамятавши его к отцу нашому доброй памяти королю его милости и к нам верную службу, з ласки нашое, тым вышей писаныи замки, выслугу отца его, што выслужил на отцы нашом короли его милости, Стародуб и Гомей, и теж што он на нас выслужил замок Чернигов, и волости Карачов и Хотимль, потвержаем сим нашим листом, вечно, ему и его княгини, и их детем и потом будучим их счадком. Мает князь Семен и его наследки держати город Стародуб, а Гомей, а замок Чернигов и волости Карачов и Хотимль, со всими дворы и волостьми и з селы боярскими, и з слугами путными,и з людми волостными и тяглыми, и з слободичы, и з данники, и со всими их землями пашными и бортными, и з ловы, и з сеножатьми, и с озеры и з реками, и з бобровыми гоны, и з ставищы, и з даньми грошовыми и медовыми, и з мыты и со всими платы и доходы, што здавка к тым замком и волостем вышей писанным прислухало: волен то он продати, и отдати, и заменити, и к своему вжыточному обернути, как сам налепей розумеючи. Нижели которым князем и бояром в тых поветах подавал будет именья и земли и люди отец наш, король его милость, або мы, и на што они будут мети права, листы отца нашого в наши, в то ся князю Семену и его наследком не надобя ся вступати. А при том были панове рада наша, велебный и велможные: князь Войтех, бискуп Вилевский; а маршалок наш дворный, наместник Мерецкий и Онижштенский, пан Григорей Станкович Остикович; а маршалок, наместник Мойшакгольский и Дубицицкий, пан Бартош Таборович и иныи. А на твердость того, и печать нашу казали есмо привесити к сему нашому листу.
Писан у Вилни, в лето 7007-е, месяца марта в 26 ден, индикта 2.
Из Литовской метрики, хранящейся в Санкт-Петербурге, при Правительствующем Сенате. В заглавии грамоты отмечено: привилей князю Семену Можайскому на замки Стародуб, Гомей, Чернигов и волости Карачов и Хотимль, на вечность.
